नेपालगन्जः लैगिंक मैत्री तथा बाल मैत्री शैक्षिक सामाग्री निमार्णकाका लागि तीन दिने तालिम सुरु गरिएकोछ । शिक्षकहरुका लागि प्रारम्भिक सिकाई पढाई सन्दर्भ सामाग्री निमार्ण र प्रयोग सम्बन्धी तालिम सुरु गरिएको हो ।
लैगिंक रुपान्तरण तथा समाबेशि शिक्षा परियोजना अन्र्तगत राजापुर नगरपालिकाका बिभिन्न वडामा रहेका बाल बिकास केन्द्र देखि कक्षा ३ सम्मका कक्षा शिक्षकहरुलाई लक्षित गरि उक्त तालिम संचालन गरिएको हो ।
परियोजना लागु भएका राजापुर नगरपालिकाका वडा नम्बर ३ देखि ९ वडाका सामुदायिक बिद्यालयमा १८ जना कक्षा शिक्षकहरुको सहभागीता रहेको स्याकका परियोजना सुपरभाईजर दशलाल चौधरीले जानकारी दिए ।
प्लान इन्टरनेशनल नेपाल र स्याक नेपाल बाँकेको साझेदारि तथा राजापुर नगरपालिका शिक्षा शाखाको समन्वयमा तालिम सञ्चालन गरिएको हो । तालिममा सेतोगुरासकी झल कुमारी कार्की, स्याकका परियोजना सिनियर सुपरभााईजर लक्ष्मीप्रसाद शर्माले प्रशिक्षण गरिरहेकाछन् ।
बालबालिकाहरुको शिक्षण सिकाई प्रक्रियाका लागी शैक्षिक सामाग्रीहरुको माध्यमबाट शिक्षण गराउँदा शिक्षाको गुणस्तर बृद्धि हुदै शिक्षण सिकाई प्रभावकारी हुने भएकाले सो तालिम प्रदान गरिएको हो ।
