गुलरिया (बर्दिया) १६ वैशाख : आगामी वैशाख ३० गते हुने स्थानीय तह निर्वाचनका लागी बर्दियाको राजापुर नगरपालिकाको प्रमुख र उपप्रमुखमा श्रीमानश्रीमतिको उम्मेदवारी परेकोछ ।

राजापुर नगरपालिकाको प्रमुखमा श्रीमान राममणी उपाध्याय र उपप्रमुखमा श्रीमती सम्झना उपाध्यायले उम्मेदवारी दर्ता गराएका हुन् ।

राजापुर नगरपालिका वडा नम्बर–३ चखखापुरका ५४ वर्षिय राममणी र उनकी श्रीमति ४३ वर्षिय सम्झनाले उमेदवारी दर्ता गराएसँगै चुनाव प्रचार प्रसारमा खटेकाछन् ।

राष्ट्रिय प्रजातन्त्र पार्टीबाट उमेदवारी दिएका उपाध्याय दम्पतिले मतदाताहरुले आफुलाई विश्वास गरेको हुँदा निर्वाचन जित्नेमा ढुक्क रहेको प्रतिक्रिया दिए ।

राप्रपा बर्दिया जिल्ला अध्यक्ष भिम बोहराले सहमतिमै उमेदवार बनाइएको हुँदा सम्भवत उपप्रमुखबाट उमेदवारी फिर्ता हुने बताए । तर, यसो गर्दा पार्टीलाई क्षति पुग्ने कार्यकर्ताहरुको भनाई रहेको छ ।
राममणी उपाध्याय बर्दियाका पुराना राप्रपाका नेताको रुपमा चिनिएका छन् ।