नेपालगन्ज २ साउन : नेपालगन्जस्थित भेरी अस्पतालका बरिष्ठ कन्सल्टेन्ट फिजिसियन डाक्टर राजन पाण्डे सिकलसेल एनिमियाको क्लिनिकल प्रोटोकल डेभलपमेन्ट एक्सपर्ट प्यानेलमा मनोनयन भएका छन् ।
विश्व स्वास्थ्य संगठन (डब्लुएचओ) पिइएन–प्लसको नेपालको तर्फबाट डाक्टर पाण्डे सिकलसेल एनिमियाको क्लिनिकल प्रोटोकल डेभलपमेन्ट एक्सपर्ट प्यानेलमा मनोनयन भएका हुन् ।
विशेषगरि थारु समुदायमा देखिने सिकलसेल एनिमियाको खोज, अनुसन्धान र उपचारमा विशेष दखल राखेको भन्दै एनसिडिआई पोभर्टी कमिसन नेपालको सिफारिसमा उनी मनोनयन भएका हुन् ।
‘मलाई स्वास्थ्य संगठनको पिइएन–प्लसको नेपालको तर्फबाट सिकलसेल एनिमियाको क्लिनिकल प्रोटोकल डेभलपमेन्ट एक्सपर्ट प्यानेलमा मनोनयन गर्नुभएकोमा एनसिडिआई पोभर्टी कमिसन नेपाल, प्राध्यापक डाक्टर भगवान कोइराला र इसिडिसी एनसिडी फोकल पर्सन डाक्टर फणिन्द्र प्रति विशेष आभार ब्यक्त गर्दछु,’ उनले भनेका छन् ।
डाक्ट पाण्डेले थारु समुदायमा देखिने सिकलसेल एनिमियाको अनुसन्धान गरि यसलाई स्वास्थ्य समस्याको रुपमा दर्ज गरेका हुन् । सरकारले सिकलसेल एनिमियालाई स्वास्थ्य समस्याको रुपमा लिएर सिकलसेलका विरामीलाई एक लाख रुपैँया बराबरको औषधि प्रदान गर्दै आएको छ ।
सिकलसेलका विशेषज्ञ चिकित्सक डाक्टर पाण्डेले पछिल्लो समय सिकलसेल अन्य समुदायमा समेत देखिन थालेपछि यसको जाँच गर्न सुझाएकाछन् । उनले सिकलसेल रोग रोकथामका लागि विवाह कुण्डली समेत बनाएकाछन् । उनले बनाएको उक्त विवाह कुण्डली अनुसार विवाह गरेमा सिकलसेल नियन्त्रण गर्न सकिने बताउँछन् ।
थप समाचार
रगतजाँच गरेर ‘विवाह कुण्डली’ मिलाउनुहोस्
थारु समुदायको मात्र होइन प्रत्येकको स्क्रिनिङ गर्न जरुरी छ : विशेषज्ञ डाक्टर पाण्डे
‘सिकलसेल र थालेसेमियाका विरामीलाई राज्यले सम्बोधन गरेन’
बिकराल बन्दै सिकलसेलसँगै थाईलेसमिया, उपचार अभावमा भौतारिदैँ अभिभावक
बाँकेका जनप्रतिनिधी सिकलसेल र थालेसेमिया रोग नियन्त्रणमा प्रतिबद्ध
नयाँ समाचार
भेरी अस्पतालभित्र कसरी भएको थियो आक्रमण ? (सेतोखरी एक्सक्लुसिभ भिडियो )
गायक रवि ओडको स्वर तथा शब्दमा ‘टुटी सक्यो मुटु’ सार्वजनिक
अदितीको रोमान्स
