नेपालगन्ज ९ मंसिर : नेपाल राष्ट्र बैंकबाट ‘क’ वर्गको अनुमति प्राप्त सिभिल बैंकले आफ्नो १२ औं वार्षिकोत्सवमा रक्तदान कार्यक्रम गरि मनाएकोछ ।

२०६७ मंसिर १० गते देखि कारोबार सञ्चालन गर्दै आईरहेको सिभिल बैंक १२ वर्ष पुरा गरेको छ ।

नेपालगन्जस्थित बैंकको कार्यालयमा खुला रक्तदान कार्यक्रम गरिएको हो । बैंक १२ वर्ष पुरा भएर १३ वर्षमा प्रवेश गरेकोे अवसरमा गरिएको रक्तदानमा बैंकमा कार्यरत कर्मचारी, सेवाग्राही, सर्वसाधारण लगायतले सहभागिता रहेको थियो ।

शुक्रबार बिहान सुरु भएको रक्तदान कार्यक्रममा ३५ जनाले रक्तदान गरेको नेपालगन्ज शाखाका शाखा प्रबन्धक प्रणिल पंछाईले जानकारी दिए । बैंकले हरेक वार्षिक उत्सवलाई महत्वका साथ मनाउँदै आएको छ ।