नेपालगन्ज २३ चैत्र : जिल्ला प्रहरी कार्यालय बाँकेका प्रमुख(एसपी) सुवासचन्द्र बोहराले सेतोखरी डटकम र सद्भाव दैनिकका सम्पादक दामोदर भण्डारीलाई समाचार नलेख्न धम्की दिएको घटनाप्रति नेपाल पत्रकार महासंघ बाँके शाखाले एक विज्ञप्ती जारी गर्दै घटनाको कडा शब्दमा भत्सर्ना गरेको छ । 

यो पनि पढ्नुहोस्: बाँके एसपी बोहरामाथि छानविन गर्न प्रदेश प्रहरीद्वारा समिति गठन

सचिव कमल डाँगीद्वारा जारी विज्ञप्तीमा पदीय जिम्मेवारी विर्सिएर शक्तिको आडमा समाचारको विषयलाई लिएर पत्रकारलाई हतोत्साहित गर्ने र आतंकित पार्ने बोहराको कदमको कडा शब्दमा भत्र्सना गरिएको हो ।

यो पनि पढ्नुहोस्: बाँके एसपीले सम्पादक भण्डारीलाई दिएको धम्कीप्रति युनियन, चौतारी, सेन्टर र प्रगतिशिलले निकाले प्रेस विज्ञप्ती

यो पनि पढ्नुहोस्: बाँके एसपीले सम्पादक भण्डारीलाई दिएको धम्कीप्रति १३ मानवअधिकार तथा पेशागत संघसस्थाको भत्सर्ना

सेतोखरी डटकम र सद्भाव राष्ट्रिय दैनिकमा चैत्र २० गते ‘बाँकेका एसपी सुबास बोहराले तस्करबाट यसरी उठाउँछन् पैसा’ र चैत्र २२ गते ‘तस्करबाट रकम उठाउने बाँके एसपी सुवास बोहराको ‘कोर टिम’ शीर्षकमा समाचार प्रकाशित भएको थियो ।

यो पनि पढ्नुहोस्: समाचार नछाप्न भन्दै बाँके एसपी बोहराले सम्पादक भण्डारीलाई धम्की दिए

‘सञ्चारमाध्यममा प्रकाशित हुने समाचारप्रति चित्त नबुझे या कुनै गुनासो भएको खण्डमा त्यसउपर कानूनी उपचारमा जानसकिने स्थापित पद्धति र प्रावधान छ । त्यसलाई बेवास्ता गर्दै बोहराले पत्रकारलाई धम्की दिनु प्रेस स्वतन्त्रतामाथिको ठाडो प्रहार हो । महासंघ शक्तिको आडमा यसरी  पत्रकार धम्क्याउने प्रहरी उपरीक्षक बोहरालाई कानून बमोजिम  कारबाही गर्न र बाँकेमा बढ्दो पत्रकार माथिको असुरक्षाका सम्बन्धमा आधिकारिक धारणा सार्वजनिक गर्न स्थानीय प्रशासनको ध्यानाकर्षण गराउँदछ’ महासंघ बाँके शाखाले सार्वजनिक प्रेस विज्ञप्तीमा उल्लेखछ ।

यो पनि पढ्नुहोस्: हत्या र अपराधले आक्रान्त बाँके, सकेनन् एसपी बोहराले नियन्त्रण गर्न

‘अन्यथा महासंघ संविधानले सुनिश्चित गरेको प्रेसको अधिकारको सम्मान र प्रेस स्वतन्त्रताविरोधी यस्ता कार्य विरुद्ध चरणबद्ध आन्दोलनमा उत्रिन बाध्य हुने छ’ महासंघ बाँके शाखाले विज्ञप्तीमार्फ अगाडी भनेको छ ।  

यो पनि पढ्नुहोस्: बाँके प्रहरी अबैध रकम असुली धन्दामा, तस्करी र अवैध आयात ह्वात्तै बढ्यो