नेपालगन्ज १८ असार : बाँकेको कोहलपुरबाट करिब ६ केजी लागुऔषध अफिमसहित दुईजनालाई प्रहरीले नियन्त्रणमा लिएकोछ । 

बाँकेको कोहलपुर नगरपालिका वडा नम्बर–१४ हवल्दारपुरस्थित ह्याप्पि वोल्ड फनपार्क अगाडी शंकास्पदरुपमा बसिरहेका उनीहरुलाई बाँके प्रहरीले हिजो सोमबार नियन्त्रण लिएको हो । 

जाजरकोट शिवालय गाउँपालिका वडा नम्बर–७ भिउस घर भई हाल बर्दिया बाँसगढि नगरपालिका वडा नम्बर–९ माछागढ बस्ने ५५ वर्षका रामबहादुर शाही र जाजरकोट बारेकोट गाउँपालिका वडा नम्बर–८ सेपुखोला बस्ने ३५ वर्षका पुर्ण बहादुर बिकलाई इलाका प्रहरी कार्यालय कोहलपुरको प्रहरीले टोलीले पक्राउ गरेको हो । 

हवल्दारपुरको उक्त फनर्पाक अगाडी शंकास्पदरुपमा रहेका उनीहरुलाई चेकजाचँ गर्दा पुर्ण बहादुर बिकले पछाडी बोकेको कालो झोलामा अफिम जस्तो देखिने गिलो पदार्थ फेला पापरेको प्रहरीले बताएकोछ । 

उक्त अफिमको शुद्ध तौल गर्दा ५ केजि ८ सय ६५ ग्राम रहेको बाँके प्रहरीले जानकारी दिएकोछ । सोही स्थानमा रोकी राखेको राम बहादुर शाहीको कर्णाली प्रदेश०२–००२प ११८६ नम्बरको मोटरसाईकल समेत प्रहरीले बरामद गरेकोछ ।

लागुऔषध र मोटरसाईकलसहित पक्राउ परेका दुबैजनालाई आज (असार १८ गते) बाँके जिल्ला अदालबाट ५ दिनको म्याद थप गरि अनुसन्धान तथा कारबाही अगाडी बढाएको जिल्ला प्रहरी कार्यालय बाँकेका डिएसपी नारायण डाँगीले जानकारी दिए ।