नेपालगन्ज १८ साउन : नेपालमा सुनको मूल्य प्रतितोला झण्डै डेढ लाख पुगेकोछ ।

शुक्रबार सुनको मूल्य ५०० रुपैयाँ बढेर अहिलेसम्मकै उच्च मूल्यको रेकर्ड बनेको हो । शुक्रबार बढेको मूल्य अनुसार एक रुपैयाँ कम डेढ लाख बनेको छ । अर्थात प्रतितोला एक लाख ४९ हजार ९९९ रुपैयाँ पुगेको छ ।

नेपाल सुनचाँदी व्यवसायी महासंघका अनुसार शुक्रबार तेजाबी सुनको मूल्य एक लाख ३७ हजार ९१० रुपैयाँ रहेको छ ।

चाँदीको मूल्य बिहीबारको तुलनामा पाँच रुपैयाँले घटेर एक हजार ७९५ रुपैयाँ प्रतितोलामा कारोबार भइरहेको छ ।