नेपालगन्ज २ भदौ : नेपालमा डेंगु संक्रमित संख्या तीन हजार ७ सय ५५ पुगेकोछ । 

पछिल्लो पटक थप ४१६ जना डेंगु संक्रमित थपिएसंगै देशभर डेंगु संक्रमितको संख्या ३ हजार ७५५ पुगेको हो । 

यो पनि पढ्नुहोस् सात महिनामा बाँकेका १७ जनामा डेंगु संक्रमण

गत साउन २८ मा डेंगु संक्रमित संख्या ३ हजार ३३९ पुगेको थियो । गत वर्षको माघ मध्ययता ३ हजार ७५५ जनामा डेंगु संक्रमित देखिएको स्वास्थ्य सेवा विभाग अन्र्तगत इपिडिमियोलोजी तथा रोग नियन्त्रण महाशाखा (ईडीसीडी) शाखाले जनाएको छ ।

सो अवाधिमा २ जना डेंगु संक्रमितको मृत्यु भइसकेको छ । ७७ जिल्लामध्ये ७४ जिल्लामा डेंगु संक्रमण फैलिएको छ । तनहुँमा सबैभन्दा बढी ७१५ जनामा डेंगु संक्रमित देखिएको छ ।