नेपालगन्ज ७ भदौ : नेपाल विद्युत प्राधिकरण, कोहलपुर वितरण केन्द्रले भोली शनिबार नेपालगन्ज, कोहलपुर, खजुरा र जानकी गाउँपालिकामा विद्युत सप्ला बन्द गर्ने भएकोछ ।

कोहलपुर वितरण केन्द्र अन्र्तगतको राँझा फिडरमा डबल सर्किट बनाउने कार्य गर्न आवश्यक भएकोले भोली शनिबार बिहान १० बजेदेखि बेलुका ७ बजेसम्म विद्युत सप्लाई बन्द हुने भएको हो । 

नेपाल विद्युत प्राधिकरण, कोहलपुर वितरण केन्द्रले एक सूचना जारी गर्दै सो जनाएको छ । 

कोहलपुर वितरण केन्द्रका अनुसार ईण्डष्ट्रियल फिडर र राँझा फिडर अन्र्तगत कोहलपुर नगरपालिका वडा नम्बर–४ आलिनगर र गहवा, वडा नम्बर ६,७,८,९, १० र १५ का चौधरिया, परसेनियपुर, जानकी गाउँपालिका वडा नम्बर–६, खजुरा गाउँपालिका वडा नम्बर–४ एफ गाउँ र नेपालगन्ज उपमहानगरपालिका वडा नम्बर २० को मनिकापुर, शुकरामपुर, कोठारपुरमा विद्युत अबरुद्ध हुने भएको हो । 

उक्त समयभन्दा अगाडी कार्य सम्पन्न भएमा निर्धारित समय अगाडी नै विद्युत सप्लाई सञ्चालन गरिने कोहलपुर वितरण केन्द्रले जनाएकोछ ।