नेपालगन्ज २४ भदौ : बर्दिया जिल्ला टेनिस संघको अध्यक्षमा दीपककुमार शर्मा निर्विरोध निर्वाचित भएकाछन् । संघको साधारण सभाले शर्मालाई निर्विरोध चयन गरेको हो । 

संघको उपाध्यक्षमा तुलुमल्ल ठकुरी, सचिवमा तुलाराम थापा मगर, कोषाध्यक्ष मिना चौधरी चयन भएकाछन् । 

यसैगरी सदस्यमा महेमुद अली मनिहार, सगीता थापा, राजेश लोध, कमलबहादुर खड्का र बर्नि भण्डारी चयन भएकाछन् । 

सो साधारण सभाबाट संघका सस्थापक अध्यक्ष बालकृष्ण ओलीलाई संरक्षकको जिम्मेवारी दिएको छ । यसअघि उद्घाटन समारोहमा टेनिस संघका केन्द्रिय सदस्य डा. निर्माण शाह, बर्दिया जिल्ला खेलकुद विकास समितिका कार्यालय प्रमुख भुपेन्द्र पुनमगर लगायतको उपस्थिति रहेको थियो । 

बुटवलदेखि पश्चिमतर्फ टेनिस कोर्ड बर्दियाको गुलरियामा मात्रै रहेको हुदाँ बर्दिया अन्य खेलमा पहिचान बनाएको अवस्थामा टेनिस खेलाडी पनि उत्पादन गर्ने उद्देश्य रहेको संघका अध्यक्ष दीपककुमार शर्माले बताए । पेशाले सञ्चारकर्मी रहेका शर्मा हिमालय टाइम्स दैनिक पत्रिकामा आवद्ध छन् ।