नेपालगन्ज २७ भदौ : नेपाल प्रेस युनियन बाँकेका सस्थापक अध्यक्ष तथा प्रेस स्वतन्त्रता सेनानी पन्नालाल गुप्ता ‘चाचाजी’ को आज ९६ औं जन्मजयन्ती मनाइदै छ । 

प्रेस स्वतन्त्रता सेनानी स्वर्गीय पन्नालाल गुप्त प्रतिष्ठान र नेपाल प्रेस युनियन बाँकेद्वारा गुप्तको ९६ औं जन्मजयन्ती मनाउन लागिएको हो । 

नेपाल पत्रकार महासँघ बाँकेका पूर्व अध्यक्ष एवं वरिष्ठ पत्रकार गुप्ताको २०७६ माघ १५ गते निधन भएको थियो । आज दिउँसो तीन बजे महेन्द्र पुस्तकालयमा स्वर्गीय गुप्तको योगदान र व्यक्तित्व चर्चासहित लोकतन्त्रको सुदृढिकरणमा पत्रकारको भूमिका विषयक विचार गोष्ठि गरिदैँछ ।