नेपालगन्ज ३ कार्तिक : कोहलपुर उद्योग वाणिज्य संघको नयाँ नेतृत्वका लागि भएको मतदान सकिएकोछ । कुल एक हजार ६८६ मतदाता मध्ये एक हजार ४९५ मतदान भएको निर्वाचन समितिले जनाएकोछ । एशोसिएट तर्फ ५५ मत खसेकोछ ।

यो पनि पढ्नुहोस्  कोहलपुर उद्योग बाणिज्य संघको निर्वाचन : १४९५ मत खस्यो, मतगणना गरिदैँ

नयाँ नेतृत्व चयनका लागि शनिबार विहान ८ बजेदेखि शुरु भएको मतदान अपरान्ह ४ बजे सम्पन्न भएको थियो । कोहलपुर उद्योग बाणिज्य संघको कार्यालयमा भएको मतदान शान्तिपूर्ण सम्पन्न भएको हो । 

निर्वाचन समितिका अनुसार शनिबार बेलुका ६ बजेदेखि मतगणना गरिने बताइएपनि झण्डै एक घण्टा ढिलो मतगणनाको कार्य थालनी भएको थियो । यो समाचार तयार पार्दासम्म प्रारम्भिक नतिजा सर्वाजनिक हुन सकेको थिएन । यद्यपी शनिबार मध्यरातीसम्म मतगणनाको अन्तिम नतिजा सार्वजनिक गरिने निर्वाचन समितिले जनाएकोछ ।

यो पनि पढ्नुहोस्  कोहलपुर उद्योग बाणिज्य संघको निर्वाचन : नयाँ नेतृत्व चुन्दै मतदाता, ७ सय बढि मत खस्यो

करिब दुई महिनाको चुनावी रस्साकस्सीकाबीच शनिबार सम्पन्न मतदानले कोहलपुर उद्योग बाणिज्य संघले नयाँ नेतृत्व पाउँदैछ । चुनावमा प्रत्यक्ष–अप्रत्यक्ष रुपमा राजनैतिक दलहरू पनि दुई ध्रुबमा विभाजित भएका थिए ।

नयाँ नेतृत्वलाई लिएर कोहलपुरका मतदाता समेत दुई ध्रुबमा विभाजित भए । उनीहरुबीच बाहिरी हल्ला एउटा चलेपनि भित्रि अर्कै सल्लाह भएको बताएका थिए । यद्यपी चुनावी मत परिणामा प्यानलगत नतिजा नआउनेमा अधिकांश मतदाता ढुक्क छन् । 

कतिपय मतदाताले प्यानलगत मतदान गर्ने बताए पनि अधिकांशले नेतृत्व एउटालाई दिएर भएपनि पदाधिकारी र सदस्यहरु मिश्रित नतिजा आउने बताएका थिए । 

मतदान स्थलमा भेटिएका मतदाता दुबै प्यानलमा नखुलेकाहरु अधिकांशले भोट क्रसिङ्ग गरेका छन् । भने कतिपय प्यानलगत रहेका मतदाताले समेत भोट क्रसिङ्ग गरेको पाइएको हो । उनीहरुको संघको समग्र विकास र उद्योगी व्यवसायीहरुको हितका लागि आफूहरुले यस्तो निर्णय लिएको दाविछ ।

यो पनि पढ्नुहोस्  कोहलपुर उद्योग वाणिज्य सङ्घको निर्वाचन : नेतृत्वका लागि भट्टराई र धितालबीच रस्साकस्सी

यसरी हेर्दै जाँदा कोहलपुर उद्योग बाणिज्य संघको नयाँ नेतृत्वमा ठूलो मतान्तरले हारजित नहुने मतदाताको आँकलनछ । संघको निर्वाचनमा लोकतान्त्रीक व्यवसायी समुहको नेतृत्व प्रदीप भट्टराई र प्रगतिशील समुहको नेतृत्व गर्दै अञ्जना धितालबीच कडा प्रतिस्प्रर्धा भएपनि मत परिणाम रोचक र घोचक देखिने पक्कापक्की बनेकोछ ।

लामो अनुभव संगालेका संघका निर्वतमान वरीष्ठ उपाध्यक्ष लोकतान्त्रिक व्यवसायी समुहबाट अध्यक्ष पदका उम्मेदावर प्रदीप भट्टराई र संघको निर्वाचनमा पहिलोपटक अध्यक्ष पदमा महिला उम्मेदवार बनेकी प्रगतिशील समुहकी अध्यक्ष पदकी उम्मेदवार अञ्जना धितालबीच चुनावी रस्साकस्सी छ । भट्टराई र धितालबीचको चुनावी रस्साकस्सीले गर्दा यसपटकको निर्वाचन रोचक र प्रतिस्पर्धी बनेको हो । 

लोकतान्त्रिक समावेशी व्यवसायी समूहको नेतृत्व गर्दै कोहलपुर उद्योग वाणिज्य संघको निर्वाचनमा अध्यक्ष पदका उम्मेदवार भट्टराईको नेतृत्वमा बरिष्ठ उपाध्यक्षमा चण्डीप्रसाद गैरे, उद्योगतर्फको उपाध्यक्षमा हरिशरण केसी, वस्तुगत उपाध्यक्षमा राकेश विष्ट, महासचिवमा दीपक बहादुर भण्डारी, उप–महासचिवमा राजनकुमार पौडेल, कोषाध्यक्षमा भूमिराज कडेल र सह–कोषाध्यक्षमा देविलाल सुनार चुनावी मैदानमा छन् । 

यो पनि पढ्नुहोस् मेरो कार्यकाल व्यवसायीमैत्री कार्यकाल हुनेछ : अध्यक्ष प्रदीप भट्टराई

यस्तै सदस्यहरूमा अमृत पौडेल, नोखराज रावत, श्रीधर घिमिरे, किरण श्रेष्ठ, झुपबहादुर भण्डारी, किरण विक, गौरव श्रेष्ठ, गिरधारी शर्मा, अशोक गौडेल, मानबहादुर बुढा र महिला सदस्यमा शीतल योगी चुनावी मैदानमा छन् । भने एसोसियटतर्फ राजेन्द्र रिजालको उम्मेदवारी छ । लोकतान्त्रिक प्रजातान्त्रिक समुहमा नेपाली काँग्रेस, एकीकृत समाजवादी र नेपाल मजदुर किसान पार्टीको समर्थन रहेको छ । 

प्रगतिशील समुहको नेतृत्व गर्दै अञ्जना धितालको नेतृत्वमा बरिष्ठ उपाध्यक्षमा भुपेन्द्र काफ्ले, उद्योग तर्फको उपाध्यक्षमा अर्जुन सुवेदी, वस्तुगत उपाध्यक्षमा रूपक भुजेल, महासचिवमा दीपक अर्याल, उपमहासचिवमा गोपाल अधिकारी, कोषाध्यक्षमा गङ्गा बगाले, सह–कोषाध्यक्षमा टङ्क खनालको उम्मेदवारी रहेकोछ । 

त्यसैगरी सदस्यहरूमा रबि कर्माचार्य, मोतिप्रसाद सुवेदी, भवानी प्रसाद कडेँल, अस्मिता केसी, चक्रबहादुर केसी, परिर्वतन विश्वकर्मा, राजिव शर्मा, प्रतिभा खड्का, अंकित सिग्देल, एकबहादुर खड्का, खगेन्द्र बहादुर शाही, कृष्ण रानाभाटको उम्मेदवारी रहँदा एसोसिएटतर्फ दिपेश खनाल चुनावी मैदानमा उत्रिएकाछन् ।