नेपालगन्ज २१ कार्तिक : नेपालगन्ज उपमहानगरपालिका वडा नम्बर १९ का वडा अध्यक्ष प्रशुराम कुर्मीको छोराको मृत्यु भएकोछ । 

जिल्ला प्रहरी कार्यालय बाँकेका अनुसार बुधबार विहान नेपालगन्ज उपमहानगरपालिका वडा नम्बर–१९ कटलिया गाउँको मोडमा भे १ त ७६२२ नम्बरको ट्रयाक्टर पल्टिएको हो । 

प्रहरीका अनुसार खेतमा धान लिन गएका बेला तीब्र गतिमा रहेको ट्रयाक्टर मोड्ने क्रममा दुर्घटनामा परेको थियो । 

उक्त ट्रयाक्टर पल्टिँदा नेपालगन्ज उपमहानगरपालिका वडा नम्बर–१९ का वडाअध्यक्ष प्रशुराम कुर्मीका अन्दाजी ३५ वर्षीय छोरा बाबुराम कुर्मीको मृत्यु भएको प्रहरीले जनाएको छ । मृतक बाबुरामले आफैंले ट्रयाक्टर चलाएका थिए ।

वडाअध्यक्ष प्रशुराम कुर्मी नेपाली काँग्रेसबाट दोस्रो कार्यकालका लागि नेपालगन्ज उपमहानगरपालिका वडा नम्बर–१९ को वडाअध्यक्षमा निर्वाचित भएका हुन् ।