करोडौंका मालिक डाक्टर नितेश कनोडियाले श्रीमती ग्रेस रौनियारको सम्पत्तिमाथि दावी गर्दै जिल्ला अदालत बाँकेमा अंश मुद्दा दायर गरेको भेटिएको छ । सेतोखरी डटकमको खोज तथा अनुसन्धानबाट नितेशले आफ्नै पत्नी ग्रेसको नाममा रहेको सम्पत्तिमाथि दावी गर्दै अदालतमा अंश मुद्दा हालेको प्रमाण फेला परेको हो ।

घरेलुहिंसा गरी कनोडिया परिवारले ग्रेसलाई नेपालगन्ज स्थित घरबाट लखेटिसकेपछि नितेशले श्रीमती ग्रेससँग अंशवण्डाका लागि २०८० चैत्र १४ गते जिल्ला अदालत बाँकेमा फिराद पत्र दर्ता गराएका छन् । दुवै जनाको विवाह २०८० असार २५ गते काठमाण्डौं जिल्ला अदालतबाट भएको थियो । 

विवाह लगतै ग्रेसको गर्भमा बच्चा रहन गएको थियो । अनि कनोडिया परिवारले गर्भवती ग्रेसलाई मानसिक यातना दिंदै घरबाट लखेटेका थिए । काठमाण्डु माइतीमा बस्दै आएकी ग्रेसले २०८० फागुन २९ गते मेडिसिटी हस्पिटलमा छोराको जन्म दिइन् । ‘श्रीमती ग्रेससँग छुट्टिएर बस्न पाउँ’ भन्दै छोरा जन्मिएको १५ दिनमै नितेशले अदालतमा अंश मुद्दा दर्ता गरेका हुन् ।

नितेश नेपालगन्ज मेडिकल कलेज लगाएत एक दर्जन विजनेश कम्पनीका मालिक डाक्टर सुरेश कनोडियाका कान्छा छोरा हुन् भने ग्रेस शेयर मार्केटका वाद्शाह छोटेलाल रौनियारका कान्छी छोरी हुन् । ग्रेसका दाजुभाई छैनन् एक जना दिदी मात्र छिन् । कनोडिया र रौनियार दुवै परिवार करोडौं सम्पत्तिका मालिक हुन् ।

त्यसैले होला नितेशले ग्रेसको सम्पत्तिमा आँखा लगाउदै अदालतमा अंश मुद्दा दायर गरेका छन् । नितेशले आफ्नो र श्रीमती ग्रेसको नाममा जति सम्पत्ति छ सम्पूर्ण विवरण भिकाएर भागवण्डा गरिदिन अदालत समक्ष माग गरेका छन् । ससुराका छोरा नरहेको र दुई मात्र छोरी भएकोले आफ्नी श्रीमती ग्रेसको नाममा सम्पत्ति रहेको भन्ने लागेर नितेशले ग्रेसको नाममा रहेको सम्पत्ति पनि अंशमा भागवण्डा गरिनु पर्ने अदालत समक्ष दावी गरेका छन् ।

सेतोखरीलाई प्राप्त नितेशले अंशवण्डाका लागि जिल्ला अदालत बाँकेमा दर्ता गरेको फिराद पत्रको २ नम्बर बुँदाको (ख) मा लेखिएको छ ‘हामी पति पत्नी सँगै बस्न नसकिने अवस्था भएको हुँदा फिराद परेको दिनलाई मानो छुटिएको मिति कायम गरी सो को अघिल्लो दिनसम्मको वण्डा गर्नु पर्ने सम्पत्तिको दुवै पक्षसँग फाँटवारी लिइ सम्पूर्ण सम्पत्तिलाई ३ भाग गरि सो को १ भाग म फिरादीले अंश छुट्याई लिन पाउने हक इन्साफ गरि पाँउ ।’

किनकी ग्रेसलाई घरबाट लखेटिसकेपछि ग्रेसलाई अंशियारमा नराखेर कनोडिया परिवार मिली २०८० असोज २९ गते गोप्य रुपमा बाबुआमा र दुई दाजुभाइ गरि ४ जनाका नाममा अंशवण्डा गरि बाबु सुरेश कनोडिया र आमा रश्मि कनोडियाका नाममा भएभरको सम्पत्ति राखिसकेपछि नितेशले श्रीमती ग्रेससँग अंशवण्डाका लागि २०८० चैत्र १४ गते निवेदन दर्ता गराएको विभिन्न कागजातले देखाउछ । 

ग्रेसमाथि अंश मुद्दा हाल्नु अघि : नितेशले आफ्नो १ बर्षको छोरा र श्रीमती ग्रेसलाई सम्पत्ति ठगी गर्ने उद्देश्यले गोप्य रुपमा गरिएको अंशवण्डा यस्तो छ  ‘हामी अंशियारहरुले आ–आफ्नो अंश भाग वापत तपसिलमा लेखिए बमोजिमको घर÷जग्गा जम्मा मोल बिगो रुं ६,३७,९०,०००।– (अक्षरेपी छ करोड सैतिस लाख नब्बे हजार रुपैंया) जाने घर÷जग्गा आ आफ्नो अंश भाग वापत नरम गरम मिलाई अंश लिने दिने र सो सम्पत्ति बाहेक अन्य नगद, गरगहना, धनमाल, विभिन्न कम्पनीहरुमा रहेका शेयर समेत जुन जुन अंशियारका नाउमा दर्ता कायम एंव जिम्मामा रहेको छ उसैको अंश भागमा पर्ने गरी यो अंशवण्डा गर्न मन्जुर भएका छौं । पछि हामीले अंश पाएका छैनौ वा अंश घटी बढी वा सबै शेयर एंव धनमालमा समेत अंशवण्डा हुनु पर्ने हो भनि एक अर्का उपर कुनै उजुर बाजुर गर्ने छैनौ, उजुर गरे यसै कागजबाट बदर होस् ।’

नितेशले अंशवण्डाका लागि अदालतमा दर्ता गरेको फिराद पत्रमा श्रीमती ग्रेसमाथि विभिन्न आरोप पनि लगाएका छन् । विवाह भएको केही दिनदेखि नै सम्बन्ध सहज रहन नसकेको, श्रीमती अत्यन्तै शंकालु र सनकी स्वभावको भएका कारण अनाहकमा रिसाउने, कराउने, झगडा गर्ने र आफ्नो आत्म सम्मानमा चोट पुर्याउने कार्य गरेको लगायत नितेशले थुप्रै आरोप लगाउदै आफुहरु पति पत्नी भएर बस्न नसक्ने हुँदा अंशवण्डा गरि छुट्टिएर बस्न खोजेको बताएका छन् ।

श्रीमान नितेशले आफुलाई विवाह गरेर ल्याइ सकेपछि पनि परस्त्रीसँगै हिंड्ने, भेट्ने, आफु सुतेको बेला रातभर केटीहरुसँग च्याट गर्ने, बाहिर जाँदा यौनका साधान तथा यौन उत्तेजक औषधीहरु लिएर हिंड्ने गरेको र आफुले सबै प्रमाण फेला पारिसकेपछि नितेशले छोड्ने जाल रचेको श्रीमती ग्रेसले सेतोखरीसँग बताएकी छिन् ।

‘म सँग हरेक कुराको प्रमाण छ । म गर्भवती मान्छे छट्पटाएर कतिखेर निदाउँथे थाहा हुँदैनथ्यो नितेश रातभर केटीहरुसँग च्याट गर्दो रहेछ । ऊ अबेरसम्म सुतेको हुन्थ्यो विहान म उठ्दा केटीहरुको म्यासेज आइरहेको हुन्थ्यो ।’ ग्रेसले सेतोखरीसँग भनिन् ‘पहिलो पटक माफि दिएँ, दोस्रो पटक माथि दिँए, अनि सासु ससुरालाई सँगै राखेर छलफल गरें अब यस्तो गर्दिन भन्दै सबैको अगाडी नितेशले मेरो खुट्टा समातेर माफि माग्यो । हुँदा हुँदा कण्डम, भियाग्रा समेत नितेशको व्यागमा मैलै भेटाए । उसले अन्य के के पदार्थ खान्छ सबै त म भन्न पनि सक्दिन । त्यसपछि नितेशले मलाई कसरी हुन्छ यसलाई छोड्नु पर्छ भन्ने योजना बनाउन लाग्यो ।’