नेपालगन्जः कोरोनाको संक्रमण रोक्न नेपालगन्ज–रुपैडिहा नाकामा सेना परिचालन गरिएको छ ।

शनिबार विहानदेखि नेपाली सेना नेपालगन्ज–रुपैडिहामा तैनाथ भएर बसेकोछ । सेनाका साथै नेपाल प्रहरी र शसस्त्र प्रहरी पहिलेदेखि नै नाकामा निगरानी गरिरहेका छन् ।

प्रहरी र सेनाको निगरानीमा स्वास्थ्यकर्मीले भारतबाट नेपाल प्रवेश गर्ने नागरिकको शरीरको तापमान मापन गर्ने गर्दछन् । कोरोना नभित्रियोस् भनेर सजगता अपनाउदै यस नाकामा चेकजाँचका लागि हेल्प डेस्क खडा गरि मेसिनबाट शरीरको तापमान मापन गरिएकोछ ।

नेपालगन्जको चौलिका चोकबाटै करिब ३ किलोमिटर टाढैबाट साईकलदेखि सम्पूर्ण यातायतका साधन सीमासम्मनै रोक लगाइएकोछ । पैदल ओहोरदोहोर गर्नेलनाई चेक जाँचगरेर भित्रिन दिनेगरेको जमुनाह प्रहरी चौकीका ईन्चार्ज माधव रिजालले बताए ।