नेपालगन्ज  उदयपुरको त्रियुगा नगरपालिका वडा नम्बर ३, भुल्के स्थित नूरी मस्जिदमा लुकेर बसेका जमातीका कारण नेपालमा कोरोना भाइरस संक्रमणको ग्राफ उकालो लागिरहेकोछ ।

उदयपुरमा एकपछि अर्को गरि ठूलो संख्यामा कोरोना भाइरस संक्रमित भेटिनुले हामी तेस्रो चरणमा पुगेको प्रष्ट छ । भुल्के स्थित नूरी मस्जिदमा रहेका जमातीकै कारण कारोना भाइरस संक्रमण बढेको कुरा सरकारले अघोषितरुपमा पुष्टि गरेकोछ । योसगैं भुल्केबस्ती सहित देश नै कोरोनाको उच्च जोखिममा परेकोछ ।

भारतको नयाँ दिल्ली स्थित निजामुद्दिनमा भएको जमातमा सहभागि जमातीहरुकै कारण यतिबेल देशको पूर्वी तराईसगैं सिंगो देश कोरोना भाइरसको उच्च जोखिममा परेपछि देश तथा विदेशको ध्यान उदयपुरतिर केन्द्रित छ ।

नेपालमा नूरी मस्जिदमा रहेका जमातिकै कारण कोरोना भाइरस संक्रमितको ग्राफ उकालो लागिरहेकोछ । यसअघि सोही मस्जिदमा रहेका १६ जनामध्ये १३ जनामा कोरोना देखिएको थियो । त्यसपछि सो क्षेत्रका ३ सय १९ जनाको नमुना स्वाब परीक्षणको लागि राष्ट्रिय जनस्वास्थ्य प्रयोगशालामा पठाइएको थियो । त्यहीँ मध्ये हिजो मङ्गलबार मात्रै ९ जनामा कोरोना संक्रमण देखिएको थियो । विडम्बना आज बुधबार थप तीन जनामा कोरोना भाइरस (कोभिड–१९) को संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डाक्टर विकास देवकोटाका अनुसार २४, ६० र ७२ वर्षका पुरुषमा कोरोना संक्रमण देखिएको हो ।
उनीहरु उदयपुरको त्रियुगा नगरपालिका–३ भुल्केको नुरी मस्जिदमा बसेको जमातीहरुको समूहकै सदस्य हुन् ।

यसरी नेपालमा कोरोना भाइरसको संक्रमणको ग्राफ उकालो लागिरहदाँ हालसम्म नेपालमा कोरोना भाइरसका कारण कसैको पनि मृत्यु भएकोछैन । यद्यपी यसअघि संक्रमित ७ जना पूर्ण निको भइसकेको स्वास्थ्य तथा जनसंख्या मन्त्रालयले जनाएकोछ । अन्य ३५ जनाको आइसोलेसनमा उपचार भइरहेको छ ।

उदयपुरको त्रियुगामा मात्रै २४ जना कोरोना संक्रमित 

एकैदिन ११ जनामा नोबल कोरोना भाइरस संक्रमणको पुष्टि भएसँगै उदयपुरको त्रियुगा नगरपालिका वडा नम्बर ३, भुल्के बस्तीमा कोभिड–१९ का बिरामीको संख्या २४ पुगेको छ ।

५ वैशाखमा ११ जना भारतीय नागरिकसहित जम्मा १२ जनामा कोरोना संक्रमण विस्फोटको रूपमा देखापरेपछि उदयपुर एकैपटक ‘रेड जोन’मा पुगेको थियो । त्यसको अर्को दिन थप एक जनामा संक्रमण पुष्टि भएकोमा ९ वैशाखमा एकैपटक ११ जनामा संक्रमण भएको पुष्टि भएसँगै उदयपुरको यो बस्ती अब सबैभन्दा जोखिम स्थल बन्न पुगेको छ ।

उदयपुरको त्रियुगा नगरपालिका क्षेत्र सबैभन्दा ठूलो जोखिमस्थल बन्नुको कारण संख्यात्मक वृद्धि मात्र होइन । यसले बाहिरबाट आएकामा पहिलो संक्रमण देखिएपनि वैशाख ९ गते मङ्गलबारसम्म आइपुग्दा कोरोना भाइरस संक्रमण समुदायस्तरमा पुगिसकेको पुष्टि गरेको छ । योसगैं सिंगो समुदाय नै जोखिममा परेको देखिएको छ ।

समुदायस्तरमा कोरोना भाइरस संक्रमण भएको पुष्टि भएसँगै नेपाल कोरोना भाइरस संक्रमण महामारीको तेस्रो चरणमा पुगेको तथ्य देखापरेको छ, यद्यपी स्वास्थ्य तथा जनसंख्या मन्त्रालयले यसलाई औपचारिक रूपमा त्यसो भनिसकेको छैन ।

कोरोना भाइरस संक्रमणको यो त्यही विन्दू हो जहाँबाट संक्रमण नियन्त्रण गर्न नसकिने अवस्थातर्फ मोडिन सक्ने जोखिम रहन्छ । कैयौँ मुलुकका अनुभवले त्यही भन्छन् । यो संवेदनशीलतालाई ख्याल गरेर सरकारको ध्यान अब उदयपुर जिल्ला र त्यसमा पनि विशेषगरि त्रियुगा नगरपालिका क्षेत्रमा केन्द्रित हुनुपर्छ ।

कोरोना भाइरस संक्रमणको ग्राफ बढी रहेको अवस्थामा उदयपुरको सो त्रियुगा नगरपालिका वडा नम्बर ३ भुल्के बस्तीमा करीब ६ सय ५० जनसंख्या छ । तर सरकारले यो बस्तीमा हालसम्म जम्मा ३ सय १९ जनाको मात्र स्वाब संकलन भएको छ । उक्त संकलित स्वाब काठमाडौंसम्म ल्याएर परीक्षण गरिँदैछ ।

सरकारको भूमिका

देशमा कोरोना भाइरस संक्रमणको ग्राफ बढाउने पछिल्लो घटना उदयपुरको त्रियुगा नगरपालिका ३ भुल्के स्थित नूरी मस्जिद भएको प्रष्ट छ ।
योसगैं सरकारलाई कोरोना भाइरस संक्रमण बढ्न नदिन एक क्षण पनि ढिला नगरि आवश्यक कदम चाल्नु अत्यन्त जरुरी छ । उदयपुरको भुल्केमा सल्केको ‘कोरोना आगो’लाई नियन्त्रण गर्न सो क्षेत्रमा संक्रमितको उपचार, सम्भावित संक्रमितको पहिचान र संक्रमण विस्तारमा रोक लगाउन संघीय सरकारले एक क्षण पनि ढिला नगरी एक्सन लिनुको विकल्प छै ।

अहिलेसम्मको सर्वाधिक जोखिमपूर्ण अवस्था र क्षेत्र भुल्के बस्ती नै देखिएकाले यसमा हुने ढिलासुस्ती र उदासीनता भोली देशभर नै संक्रमण फैलिने कारक बन्न सक्छ । यस्तो जोखिमपूर्ण अवस्थाका बेला एक क्षणको ढिलाइ भयाबह र घात हुन सक्छ । यो संवेदनशीलता बुझेर आफूसँग भएका सबै स्रोत–साधन र जनशक्तिको परिचालन गरिनुपर्छ । यद्यपी प्रदेश १ सरकारले संघीय सरकारसँगको समन्वयमा जिल्ला शिल गरिसकेको छ ।