नेपालगन्जः लकडाउनबाट सिर्जित असहज परिस्थितीलाई समाधान गर्न सरकारले लकडाउनको मोडालिटि परिर्वतन गर्ने तयारी गरिरहँदा नेपालमा कोरोना भाइरस संक्रमणको ग्राफ दिनानुदिन बढेर गएकोछ ।

नयाँ वर्षसगैं कोरोना भाइरस संक्रमितको संख्या कम हुने अनुमान लगाईरहेका आम नागरिकमा एकाएक कोरोना संक्रमितको ग्राफ उकालो लागेपछि यसले थप त्रास उत्पन्न गरेकोछ ।

नेपालमा गत चैत्र मसान्तसम्म नेपालमा १४ जना कोरोना भाइरस संक्रमित थिए । वैशाख १ गते नयाँ वर्षको पहिलो दिन २ जना थपिए । त्यसको भोली पल्ट थप २ जना हुदै वैशाख १७ गतेसम्म आईपुग्दा नेपालमा कोरोना भाइरस संक्रमितको संख्या ५८ पुग्यो ।

नेपालमा कोरोना भाइरसको हिस्ट्रि हेर्ने हो भने गत वर्ष माघ १० गते पहिलो केस सार्वजनिक भएको थियो । करिब तीन महिना पुग्नै लाग्दा चैत्र मसान्तमा कोरोना भाइरस संक्रमितको संख्या ह्वात्तै बढेर १४ पुग्यो । तर, यति लामो समयसीमा भन्दा पछिल्लो १७ दिनको अवधिमा कोरोना संक्रमित बढेर आएकोछ ।

कोरोना भाइरससंग विश्वजगत संघर्ष गरिरहदाँ नेपालजस्तो विकासन्मुख राष्ट्रमा पछिल्लो १७ दिनको अवधिमा ४४ जना कोरोना संक्रमित थपिए । यो नेपाल र नेपालीका लागि ठूलो चुनौती र घातक हो । अझ सरकारले पछिल्लो समय कोरोना भाइरस परीक्षणको दायरा बढाएसँगै नेपालमा कोरोना भाइरस संक्रमित भेटिन थालेका हुन् ।

यो समाचार तयार पार्दासम्म बारा र पर्सा जिल्लामा थप दुई/दुई गरि जम्मा चार जना नयाँ संक्रमित भेटिएका छन् । काठमाण्डौंको टेकुस्थित राष्ट्रिय प्रयोगशालामा परीक्षणका क्रममा बाराका दुई र पर्साका दुई पुरुषमा सङ्क्रमण देखिएको स्वास्थ्य तथा जनसङ्ख्या मन्त्रालयको इपिडिमियोलोजी तथा रोग नियन्त्रण महाशाखाका निर्देशक डाक्टर वासुदेव पाण्डे बताउँछन् ।

उनका अनुसार समुदायमा सङ्क्रमण बढेको छैन । ती चारैजना भारतबाट नेपाल आएर क्वारेन्टिनमा रहेका व्यक्ति हुन् । उनका अनुसार सङ्क्रमितमध्ये एकजना अस्पताल र अर्का तीनजना क्वारेन्टिनमा रहेका छन् । सङ्क्रमित पुरुष ३१, ४३, ४६ र ५० वर्षका रहेका छन् ।

एकातिर दिनानुदिन कोरोना भाइरस संक्रमितको संख्या बढीरहेको छ भने अर्कोतर्फ सरकारले लकडाउनलाई खुकुलो पार्ने तयारी गरिरहेकोछ । यस्तो जोखिमपूर्ण अवस्थामा सरकारले निश्चित ब्यक्ति, समुदाय तथा क्षेत्रलाई मात्र लक्षित गरेर भरपूर तयारीका साथ लकडाउन खुकुलो पार्नुपर्छ । नत्र यसले निम्त्याउने जोखिम भयानक र भयाबह हुने प्रष्ट छ ।

यकातिर विश्व स्वास्थ्य संगठनले समयमै नेपालले कोरोना भाइरस संक्रमण नियन्त्रणका लागि लकडाउन प्रभावकारि भएको भन्दै
उच्च जोखिमको सूचीबाट हटाएर जोखिमको सूचीमा राखेकोछ । अर्कोतर्फ कोरोना भाइरस संक्रमण र रोकथामका लागि लकडाउन तथा सामाजिक दूरी नै प्रभावारी हुने भन्दै विशेषज्ञले सुझाईरहेकाछन् । यस्तो अवस्थामा लकडाउन खुकुलो मात्र पार्नु वा लकडाउन हटाउनु अमेरिकाको जस्तो नियती भोग्नुपर्ने हुन्छ ।

नेपालमा कोरोना भाइरस संक्रमतिको सख्या ५८ पुगीरहदाँ हालसम्म कसैको पनि मृत्यु भएको छैन । अझ खुसीको कुरा यो अवधिमा पूर्णरुपमा स्वस्थ भएर १६ जना घर फर्किसकेकाछन् भने थप केही दिन अरु संक्रमित पूर्ण निको भएर डिस्चार्ज हुने अवस्थामा पुगेका छन् । यस्तै अहिले ३९ जना सङ्क्रमित अस्पतालको आइसोलेशनमा छन् । सरकारले सङ्क्रमितको नजिक रहेकाहरुको ‘कन्ट्याक ट्रेसिङ’समेत गरिरहेकोछ । यद्यपी कोरोना भाइरस संक्रमणबाट बच्न कुनै भ्याक्सिन नबनिसकेको अवस्थामा प्रभावकारीरुपमा लकडाउन लगाउनु र सामाजिक दूरी पूर्णरुपमा पालना गराउनुको विकल्प छैन ।