नेपालगन्ज : बाँकेको खजुरा गाउँपालिका वडा –२ सीतापुरमा शाखारहित बैंकिगं सेवा शुरु गरिएकोछ । सनराईज बैंकले शाखारहित बैकिङ्ग सेवा सुरु गरेको हो ।
बैंकका प्रदेश नम्बर ५ का प्रमुख सुनिल मण्डलले शुक्रबार एक कार्यक्रमका बीच उक्त शाखारहित बैंकिगं सेवाको उद्घाटन गरे ।
कार्यक्रममा कार्यवहाक वडा अध्यक्ष नन्दलाल गुर्ताल, नेपालगन्ज शाखाका शाखा प्रबन्धक अनिल बज्राचार्य, कोहलपुर शाखाका प्रबन्धक मनोेजकुमार आचार्य, नरैनापुर शाखाका शाखा प्रबन्धक खड्कप्रसाद देवकोटा लगायतको उपस्थिती रहेको थियो ।
सुजाता खरेलको नेतृत्वमा रहेको बैंकको उक्त शाखाबाट खाता खोल्ने, निक्षेप लिने र भुक्तानी दिने, बिलहरुको भुक्तानी जस्ता कामहरु हुनेछ ।