आईतबार, मंसिर २१, २०७७   ०७:५५:३३

कोरोना कहरबीच सडकबाट युवाले राजसस्था मागे


सेतोखरी   2077-07-22

नेपालगन्ज : बाँकेको कोहलपुरमा गणतन्त्रविरुद्ध प्रर्दशन भएको छ । कोरोना माहामारीकाबीच स्वास्थ्य सम्बन्धि प्रोटोकललाई चुनौती दिदै स्वतन्त्र राष्ट्रवादी अभियान नामक समुहले गणतन्त्रको विरोध गर्दै राज सस्था पुर्नबहालीको माग गरेको हो ।

सयौंको संख्यामा उपस्थित युवाको भीडले कोहलपुरक्षेत्र जाम नै भएको थियो । गणतन्त्र धोका हो भन्दै सडकमा उत्रिएका समुहले संघीयता धर्म निरेपक्षता बिरुद्ध समेत नाराबाजी गरेका थिए ।

शनिबार कोहलपुर चौराहादेखि पिपल चौतारासम्म मोटरसाईकल ¥याली सहित प्रदर्शन गरेका ती युवाहरुले संघीयता खारेजीको माग सहित राजसंस्था पुनःस्थापनाको माग गर्दै प्रदर्शन गरेका हुन् ।

उनीहरुले लोकतान्त्रीक गणतन्त्र नेपालमा नरहेको र २०४७ सालको संबिधानलाई नै लागु गर्नुपर्ने माग समेत राखेका थिए ।

अभियानका अभियन्ता बिजय काफ्ले, शाही युवा शक्तिको केन्द्रिय सदस्य समेत रहेका अर्जुनजंग शाहले देशमा नितीगतरुमा संघीय लोकतान्त्रीक गणतन्त्र हटि सकेको हुँदा अब जुनसुकै हालतमा राजसस्था पुर्नवहाली हुनुपर्ने तर्क राखेका थिए ।

उनीहरुले वर्तमान राजनीतिक दाउपेच र देशमा भइरहेको अनियमितता, भ्रष्टाचारी तथा सरकार जनताप्रति गैरजिम्मेवार भएको भन्दै नेताहरुले विश्वास गुमाइसकेको दावि गरे ।

उनीहरुले यो अभियान देशभर भएको र तिहार लगत्तै झन ठूलो दवाव स्वरुप बृहत कार्यक्रम गरिने बताए ।

युवाहरुको स्वस्फूर्त ¥याली भनिएको उक्त ¥यालीमा सरकारको धजिया उडाउदै गर्दा बाँके प्रशासन मुखदर्शक मात्र बनेको थियो । कोरोना भाइरस संक्रमणको जोखिमलाई बेप्रवाह गर्दै निकालिएको ¥यालीले बाँके प्रशासन र प्रहरीलाई चुनौती दिएको सम्बद्ध सरोकारवालाले बताएकाछन् ।