नेपालगन्ज : नेपालमा थप एक हजार ३ सय ८० जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप एक हजार ३ सय ८० जनामा संक्रमण पुष्टि भएको हो । भने सोही अवधीमा देशभरका थप ५१५ संक्रमित निको भएका छन् ।
शनिबार बेलुकासम्म नेपालमा २ लाख ३० हजार ७ सय २३ जनामा संक्रमण पुष्टि भइसकेको छ भने २ लाख ११ हजार १ सय ८६ जना कोरोना संक्रमण निको भइसकेको छ ।
हालसम्म नेपालमा सक्रिय संक्रमितको संख्या १८ हजार ८३ छ । मन्त्रालयका अनुसार १८ हजार ८३ जना आइसोलेसनमा रहेका छन् । ६१८ क्वारिन्टिनमा बसेका तथ्यांकमा उल्लेख छ ।
यस्तै मन्त्रालयका अनुसार अनुसार कुल १७ लाख १९ हजार ८२८ पीसीआर परीक्षण गरिएको छ ।
नेपालमा कोरोना भाइरस संक्रमित थप १९ जनाको मृत्यु भएकोछ । मन्त्रालयका अनुसार पछिल्लो २४ घण्टामा देशभर थप १९ जनाको मृत्यु भएको हो ।
यो सँगै कोरोना संक्रमित मृतकको संख्या १ हजार ४ सय ५४ पुगेको स्वास्थ्य तथा जनसंख्या मन्त्रालयले जनाएको छ ।
यसअघि शुक्रबार २३ जना संक्रमितको मृत्यु भएको थियो । भने बिहिबार पनि २३ जना संक्रमितको मृत्यु भएको थियो । बुधबबार २८ जना संक्रमितको मृत्यु भएको थियो । भने यस्तै मङ्गलबार २४ जनाकको मृत्यु भएको थियो ।