काठमाडौं : ‘ए मेरो हजुर ४’ को सुटिङ फेरि रोकिएको छ । निर्माण युनिटले दुई गीत र केही दृश्यको छायाँकन पछि गर्ने भन्दै फिल्मको छायाँकन रोकेको हो ।

अनमोल केसी, सुहाना थापा र सलोन बस्नेत मुख्य भूमिका रहेको फिल्म यसअगाडि गत चैत्रमा कोरोनाको कारणले रोकिएको थियो ।

गत कात्तिक १ बाट बाँकी छायाँकन सकाउने भन्दै शुरु गरिएको फिल्म बुधबारबाट रोकिएको हो । अब फिल्मको सुटिङ माघ महिनापछि हुने बताइएको छ ।

सुनिलकुमार थापाको निर्माण रहेको फिल्मलाई झरना थापाले निर्देशन गरिरहेकी छिन् ।