नेपालगन्ज : बाँकेको राप्ती सोनारी गाँउपालिका १ कुसुममा सडक दुर्घटना हुँदा एक जनाको ज्यान गएको छ ।

शुक्रबार साँझ ६ः४५ बजेको समयमा दक्षिणकाली पेट्रोल पम्प नजिकै गाडीले ठक्कर दिदा मोटरसाईकलमा सवार रोल्पाका राजेश सुनारको ज्यान गएको हो ।

ना ४ ख ६४६५ नम्बरको गाडिले ठक्करबाट रा ५ प ९६०० नम्बरको मोटरसाईकलमा सवार रोल्पा लिवाङका २६ वर्षिय सुनारको उपचारका लागि अस्पताल लैजादैं गर्दा बाटोमै ज्यान गएको हो ।

नेपालगन्ज आउँदै गरेका सुनारलाई दाङतर्फ जाँदै गरेको गाडीले ठक्कर दिएको थियो । मोटरसाइकल पछाडि बसेका अर्का एकजना भने सकुशल रहेका छन ।

ईलाका प्रहरी कार्यालय कोहलपुरका अनुसार मोटरसाइकललाई ठक्कर दिने गाडी चालकलाई नियन्त्रण लिएर आवश्यक कारबाही अगाडी बढाएको जनाएको छ ।