नेपालगन्ज १ चैत : भारतीय अभिनेता नेपाल सुपर लिग (एनएसएल) को गुडविल एम्बेसडर बनेका छन् । फ्रेन्चाइज फुटबल प्रतियोगिता एनएसएलको एम्बेसडरका रुपमा भारतीय अभिनेता सोहेल खानलाई राखिएको हो ।

आयोजक नेपाल स्पोर्टस् म्यानेजमेन्टले आईतबार पत्रकार सम्मेलन गर्दै प्रतियोगिताको ब्राण्ड एम्बेसडर बनेको जनाएको छ । प्रतियोगिताको उद्घाटन खेलमा भारतीय अभिनेता खान नेपाल आउने आयोजकले जनाएको छ ।

वैशाख ११ देखि २५ गतेसम्म चल्ने प्रतियोगीतामा सात फ्रेन्चाइज टिमले सहभागिता जनाउनेछन् ।

जसमा काठमाडौं रेजर्स फुटबल क्लब, ललितपुर सिटी फुटबल क्लब, विराटनगर सिटी फुटबल क्लब, धनगढी एफसी, एफसी चितवन, पोखरा थन्डर्स र बुटवल लुम्बिनी एफसीको सहभागिता रहनेछ ।