बर्दिया ८ असार : बर्दियामा बाढी कृतिम घटना अभ्यास गरिएकोछ । बाढीको बेला हुनसक्ने खतरा र त्यसको प्रभावकारी खोज तथा उद्धारका लागि कृतिम अभ्यास गरिएको हो ।

उद्धार सामाग्री र जनशक्तीको अद्यावधिक तथा पुनःर्ताजगीका लागि खोज तथा उद्धार कार्यलाई प्रभावकारी बनाउने उघेश्यका साथ हरेक वर्ष झैँ यस वर्ष पनि बर्दियाको कर्णाली नदिमा बाढी कृतिम घटना अभ्यास गरिएको छ ।

जिल्ला विपद् व्यवस्थापन समिति बर्दियाको आयोजनामा बाढीको कृतिम घटना अभ्यास राजापुर नगरपालिका– १ बडकी दौलतपुर स्थित कर्णाली नदीमा सम्पन्न भएको हो ।

नेपाली सेना, शसस्त्र प्रहरी बल र नेपाल प्रहरीको प्राविधिक सहयोगमा बाढीको कृतिम घटना अभ्यास सम्पन्न गरिएको छ । भने घटना अभ्यासमा उद्धार गरि ल्याइएका घाइतेहरुलाई नेपाल रेडक्रस सोसाइटीका प्राथमिक उपचारक टोलीले प्राथिमक उपचार सेवाप्रदान गरि एम्बुलेन्सद्वारा नजिकको अस्पतालमा पठाउने कार्य भएको छ । सोे बाढीको कृतिम घटना अभ्यासमा सबै सरोकार वाला निकायहरुको सहभागीता रहेको थियो ।

विपद् पूर्व तयारी तथा प्रति कार्यका लागि बनाईएको जिल्ला विपद् पुर्व तयारी तथा प्रतिकार्य योजना २०७८ मनसुन पूर्व तयारी कार्ययोजना अनुसार सोको प्रभावकारीका लागि कृतिम अभ्यास गरियो । सो योजनाको परीक्षण समेत गर्नूपर्ने व्यवस्था भए बमोजिम कर्णाली नदिको दौलतपुरघाट नजिक कार्यक्रम आयोजना गरिएको हो ।

प्रमुख जिल्ला अधिकारी एवम जिल्ला विपद् व्यवस्थापन समिति बर्दियाका संयोजक सन्त बहादुर सुनारले यस्ता अभ्यासले विपद् प्रतिकार्य गर्न प्रभावकारीता हुने विश्वास व्यक्त गर्दै मनसुन सकृय रहेको र बाढी आइ हालेमा त्यसको प्रतिकार्य गर्न जिल्ला तयारी अवस्थामा रहेको बताए ।

कार्यक्रमको परिदृश्यबारे जानकारी र कार्यक्रमको सहजिकरण सशस्त्र प्रहरी उपरीक्षक नर बहादुर रावत, जिल्ला विपद् व्यस्थापन समितिका फोकल पर्सन नारायण प्रसाद ढकाल र सूचना व्यवस्थापन अधिकृत गौरीलाल बुढाथोकीले गरेका थिए ।