बर्दिया ३ भदौ : जिल्ला प्रहरी कार्यालय बर्दियाले भारत लैजान लागेको अवस्थामा राखिएको लाखौ मूल्य बराबरको केराउ बरामद गरेको छ ।

गुलरिया नगरपालिका वडा नम्बर–१० स्थित विनोद बर्माको मिल अगाडि खाली जमिनमा केराउको बोराहरु साइकलमा लोड गरिरहेको अवस्थामा प्रहरीले बरामद गरेको हो ।

प्रहरीले बरामद गरेको केराउ १६ हजार ८ सय ७५ क्विन्टल रहेकोछ । जसको बजार मूल्य करिब १६ लाख ९ हजार ५ सय रुपैयाँ रहेको जिल्ला प्रहरी कार्यालय बर्दियाका प्रहरी प्रमुख प्रहरी उपरीक्षक ईश्वर कार्कीले बताए ।

उनले केराउ कसको हो भन्ने विषयमा अनुसन्धान भैरहेको बताए ।