बर्दिया ८ भदौ : बर्दियामा चितुवाको आक्रमणमा परी एक बालिकाको मृत्यु भएको छ ।

राजापुर नगरपालिका वडा नम्बर–१० भगतपुर निवासी ३ वर्षिय बालिका कमला जैसीको चितुवाको आक्रमणमा परी मृत्यु भएको जिल्ला प्रहरी कार्यालय बर्दियाले जनाएको छ ।

प्रहरीका अनुसार घर नजिकै मकै बारीको छेउमा खेलिरहेको अवस्थामा चितुवाले आक्रमण गरी बालिकालाई गम्भीर घाइते बनाएको थियो ।

गम्भीर घाइते बालिकालाई उपचारका लागी अस्पताल लैजाने क्रममा बाटोमै मृत्यु भएको बताइएको छ ।