बर्दिया ९ भदौ : जबरजस्ती करणी गरेको आरोपमा बर्दिया प्रहरीले बारबर्दिया नगरपालिकाका एक युवकलाई पक्राउ गरेको छ ।

ललाईफकाई नजिकैको जङ्गलमा लगी जबरजस्ती गरेको आरोपमा बारबर्दिया नगरपालिका वडा नम्बर– १ निवासी २९ वर्षिय सिताराम थारुलाई प्रहरीले पक्राउ गरेको हो ।

जिल्ला प्रहरी कार्यालयका अनुसार वडा नम्बर– ३ निवासी २६ वर्षिय ती महिलालाई नजिकैको नर्सरीमा लगेर जबरजस्ती करणी गरेको पीडितले बताएकी छन् ।

जबरजस्ती करणी गरेको पीडितले उजुरी गरेपछि थारुलाई पक्राउ गरिएको बताएको छ । यस विषयमा थप अनुसन्धान भैरहेको प्रहरीले जनाएको छ ।