नेपालगन्ज:नेपाली काँग्रेसका महामन्त्री डा. शाशान्क कोइराला नेपालगन्ज आउने भएकाछन् । विपी स्मृती दिवसका अवसरमा नेपाली काँग्रेस बाँकेले आयोजना गर्ने कार्यक्रमका लागि उनी नेपालगन्ज आउने भएका हुन् ।
३७ औं विपी स्मृती दिवसका अवसरमा नेपाली काँग्रेसले ६ गते विचार गोष्ठीको कार्यक्रमलाई सम्बोधन गर्न काँग्रेसका महामन्त्री कोइराला नेपालगन्ज आउन लागेको नेपाली काँग्रेस बाँकेका सदस्य एवंम युवा नेता सुधान्सु कोइरालाले जानकारी दिए ।
उनका अनुसार ३७ औं विपी स्मृती दिवसका अवसरमा जिल्ला समन्वय समिति बाँकेमा साउन ६ गते सोमबार दिउँसो साढे १२ बजे उक्त विचार गोष्ठीको आयोजना गरिन लागेको हो ।
सो अवसरमा कार्यक्रममा उपस्थितीका लागि नेपाली काँग्रेस बाँकेले जिल्लाका नेता, कार्यकर्ता, भातृसंगठन, सुवेच्छुक लगायतलाई अनुरोध समेत गरेकोछ ।
