नेपालगन्ज: बाँके प्रहरीले नेकपाको निर्देशनमा आफ्ना कार्यकर्तालाई जानी–जानी अनाहकमा फसाएको दाबी गर्दै नेपाल तरुण दल बाँकेले विरोध प्रर्दशन गरेको छ ।
हतियारकाण्डमा तरुणदल नगर सभापति सन्दीपजंग शाह पक्राउ घटनाको विरोध गर्दै तरुणले विरोध प्रर्दशन गरेको हो । नेपाली काँग्रेस बाँकेको पार्टी कार्यालयबाट सोमबार सुरु भएको विरोध प्रर्दशनले नगर परिक्रमा गरेको थियो ।
आप्mना नेता कार्यकर्तालाई कम्युनिष्ट सरकारको निर्देशनमा झुठा आरोपमा फसाइएको भन्दै तरुण दलले यसअघि सशक्त आन्दोलन गर्ने चेतावनी समेत दिएको थियो ।
विरोध प्रदर्शनपछि भएको कोण सभालाई सम्बोधन गर्दै काँग्रेसका केन्द्रीय सदस्य सुरेन्द्र पाण्डेले वर्तमान सरकारको निर्देशनमा काँग्रेसका नेता कार्यकर्तालाई झुठा मुद्धा लगाइएको उनले बताए ।
सत्तारुढ दलको ज्यादती बढ्दै गएको भन्दै निर्दोषलाई तत्काल रिहा गर्न माग गर्दै उनले सरकारले सीमाको रक्षा गर्न समेत नसकेको टिप्पणी गरे ।'
तरुण दलका केन्द्रीय उपाध्यक्ष उत्तम चापागाईले भने बाँकेमा कम्युनिष्ट सरकारको निर्देशनमा तरुण दलका नेता कार्यकर्तालाई फसाउने काम भएकोछ ती प्रहरी अधिकारीलाई तत्काल कारवाही गरियोस् ।
सीमाको सुरक्षामा लाग्नुपर्ने सरकार तरुण दलका नेता कार्यकर्तालाई फसाउन लागेको भन्दै उनले कुनैपनि हालतमा स्वीकार्य नभएको जिकिर गरे ।
ईलाका प्रहरी कार्यालय कोहलपुरले तरुण दलका नेपालगन्ज नगर सभापति सन्दिपजंग शाहलाई केही दिनअघि हतियार सहित पक्राउ गरेपछि तरुण दल निर्दोषलाई फसाइएको दावी गर्दै आन्दोलनमा उत्रिएको हो ।
नेपाली काँग्रेस र नेपाल तरुण दलका केन्द्रीय नेताहरुको उपस्थितीमा सत्तारुढ दलको ज्यादतीका बिरुद्ध विरोध कार्यक्रममा बोल्दै यो घटना शाहसंग मात्र नभई समग्र काँग्रेस पार्टी माथि राज्य सत्ताले गरेको उपेक्षा बिरुद्धको आन्दोलन भएको उनीहरुले स्पष्ट पारे ।
तरुण दल बाँकेका सहसचिव विमल चन्दका अनुसार, विरोधका कार्यक्रम निरन्तर हुनेछन् । विरोधको कार्यक्रम अन्र्तगत मंगलबार जिल्ला प्रशासन कार्यालय घेराउ गरिने उनले बताए ।
